利寶閣 (已結業)

之前係官塘已經食過，今日同朋友黎尖沙咀望住靚景食點心，好特別，12點到達已經全場滿座啦，點心放題真係好受歡迎，加上價錢又唔貴，而且平時食點心，2個人食叫得唔多款，但以到可以每款食少少放題仲每人送一份原隻鮑魚酥同花膠灌湯餃，好抵食我地點了鮮蝦水晶餃、鵪春蛋燒賣、百花燒賣皇、蜜汁叉燒包、馬拉糕、荔蓉蜂巢帶子、香滑布拉白腸粉、叉燒腸粉、養顏貢棗糕。蜜汁叉燒包包夠鬆軟，餡料夠足料，另外香滑布拉白腸粉，米香軟綿滑溜，而荔蓉蜂巢帶子，芋香味濃，入面仲有粒細細帶子，而我最愛既百花燒賣皇，用料紮實，唔會一咬就散開。以到除左點心放題，晚市都會有粵菜放題