影片
更多
2007-10-29
11 瀏覽
一個晚餐四道菜，加埋一成$550，講真確係幾貴，但計埋靚景、靚情調、星級服務，揀大日子哩慶祝吓都可以諗吓！講環境無得頂啦，樓底成廿多呎高，枱與枱空間感足，一列落地大玻璃窗，對住維港，柔和燈光，加埋鋼琴伴奏，外籍歌手嘅抒情歌，夠晒情調。唔知係咪因為平日，人客唔算多，係覺得冷氣勁咗Ｄ囉！服務亦算一流，始終五星級酒店，水準有番咁上下。點好法？幫你拉凳、鋪餐巾、態度溫文有禮唔在講，仲事事細心，例如：上菜時碟子稍熱會加以提醒；上菜時間拿捏恰當，一道菜接一道菜，唔會太快又唔會太耐，總之食完一道菜都俾你抖一抖，再食下一道菜；仲有就係每道菜都會同一時間上菜，咁就可以一齊有得食，唔使話有人有得食，有人仲要等！輪到講食物，唔可以話非常驚喜，但一定令你心滿意足。唯獨個餐湯就比較失望，但頭盤同甜品就高水準之作，攞番唔少分！麵包籃–一坐低侍應就先哩別緻嘅麵包籃，幾款麵包都幾好食，反而要留意係配麵包嘅醬料，有牛油、番茄醬、雞心豆蓉，個人最欣賞中間嘅番茄醬，食落好鮮甜，好夠番茄味，唔太酸。頭盤–香燒海帶子椰菜花汁，一客4粒鮮帶子，粒粒都大過個5蚊銀，香煎後配椰菜花汁，賣相唔算突出，但勝在帶子夠大有睇頭，而且食落鮮味
講環境無得頂啦，樓底成廿多呎高，枱與枱空間感足，一列落地大玻璃窗，對住維港，柔和燈光，加埋鋼琴伴奏，外籍歌手嘅抒情歌，夠晒情調。唔知係咪因為平日，人客唔算多，係覺得冷氣勁咗Ｄ囉！
服務亦算一流，始終五星級酒店，水準有番咁上下。點好法？幫你拉凳、鋪餐巾、態度溫文有禮唔在講，仲事事細心，例如：上菜時碟子稍熱會加以提醒；上菜時間拿捏恰當，一道菜接一道菜，唔會太快又唔會太耐，總之食完一道菜都俾你抖一抖，再食下一道菜；仲有就係每道菜都會同一時間上菜，咁就可以一齊有得食，唔使話有人有得食，有人仲要等！
輪到講食物，唔可以話非常驚喜，但一定令你心滿意足。唯獨個餐湯就比較失望，但頭盤同甜品就高水準之作，攞番唔少分！
麵包籃–一坐低侍應就先哩別緻嘅麵包籃，幾款麵包都幾好食，反而要留意係配麵包嘅醬料，有牛油、番茄醬、雞心豆蓉，個人最欣賞中間嘅番茄醬，食落好鮮甜，好夠番茄味，唔太酸。
頭盤–香燒海帶子椰菜花汁，一客4粒鮮帶子，粒粒都大過個5蚊銀，香煎後配椰菜花汁，賣相唔算突出，但勝在帶子夠大有睇頭，而且食落鮮味多汁，香口。不過所謂椰菜花汁就無乜特別，一來椰菜花本身係味淡，二來覺得個汁較薄身，有同無好似無乜分別。
餐湯–食完個頭盤咁正，多少都對個湯有期望，加上個名叫海鮮清湯，就更大期望，點知係今晚餐飯嘅最低潮！除賣相一般外，味道真係清得好緊要，飲落真係有Ｄ似出前一丁海鮮味嘅湯包咁，真係唔多識欣賞哩個湯。雖然浮係湯中間有一片蒸蛋，雖然都幾滑，但都唔能夠為個湯加番分。
主菜–揀咗有機雞釀龍蝦蓉松露汁，所謂龍蝦蓉查實係由龍蝦打成蝦膠，用雞胸肉卷住Ｄ龍蝦膠哩香煎，再用炒銀芽雜菌墊底。個樣唔算好特別，不過食味方面雞件都算嫩滑，煎得唔過火，龍蝦膠又幾彈牙，算中上啦！
甜品–好似近期港股咁，個甜品令到成個晚餐嘅好食度向上程V形反彈。最初睇個名「朱古力焦糖千屠糕伴雪葩」真係諗唔到係點樣，仲以為係變相嘅拿破崙咁！錯晒，原來係玩層層疊，先用薄薄嘅朱古力餅做底，然後一層白色嘅石榴慕絲，再向上係一層朱古力慕絲，跟住夾住一薄層焦糖醬，再鋪番朱古力慕絲、石榴慕絲，到餅面酒上朱古力粉，一層疊一層，花心機嘅手作仔。雖然成件餅又用朱古力，又用焦糖，但因為加咗石榴慕絲，食落唔會太甜太漏，互相融和，好平衡，又有層次。再加上紅桑梅雪葩，好清新，梅味十足，但唔會酸到咪晒眼咁，所以，幾道菜裡面，小弟非常鍾意個甜品！
終結–最後哩一杯咖啡作結束最好不過，香濃得哩唔苦唔澀，仲配上幾粒幼滑朱古力粒（黑朱古力、牛奶朱古力、白朱古力），繼續傾傾偈，好正嘅享受！
張貼
