老港情懷 (已結業)

今日去左一間火鍋店食晚餐！尖沙咀新開左一間火鍋店，主打老火湯底，湯底我地叫左赤小豆肉排湯底，好豐富好足料，濃郁夠重口味！我地未打邊爐之前飲左一碗湯先，超滋味好有住家感覺！食材都以大路貨色座為主，我地叫左魚腩、水餃、丸類、響鈴等等，食材質素有保證，唔會太差！我地最愛食響鈴，因為即叫即炸好香口，炸到卜卜脆，吸收哂湯底精華，好滋味！我同女朋友爭食添！湯底的確是賣點，我地非常欣賞！魚腩是女朋友加點，魚肉厚切好肥美，好新鮮唔會有腥味，腩位好滑溜！