富記粥品 (已結業)

今晚有朋友話去富記食飯,其實我唔知係邊不過佢自然會帶路,富記粥品仲有湯同小菜提供，其實水準都幾高下。最緊要係非常方便，就係先達既則邊。最近成日夜訓就叫左芫茜皮蛋魚片,下火都唔錯。幾好味嫁都,原本已係一個魚介湯底，味道真係鮮甜。仲加埋芫茜、皮蛋、魚片，依D料真係又香又開胃之後仲叫多左個菜芯炒牛肉，又有蔬菜又有肉類；一舉兩得，又夠健康,份量味道方面依個係好好，牛肉先用油泡一陣，再快炒多陣；醃得耐所以夠哂味，唔算太鹹。至於菜芯炒得清脆爽甜，小菜黎講，水準絕對中上。不過整體就多油左少少,如果唔係既話,一個湯一個餸再加兩碗白飯，簡簡單單晚餐已經好滿足