星之戀

營業中

休息中

位於荃灣海之戀新開酒樓，餐桌擺設有心思，座位就稍擠逼，稍為熱鬧，加上星期日生意不錯，若閒日光顧會清靚一些。首輪滿座，次輪就翻到幾枱客。招呼算吾錯的。吸客賣點係特價乳豬，300幾蚊原隻上枱堂剪，我地6條友叫半隻就198，乳豬皮算脆，略肥，算抵食，基本上枱枱必叫。水晶雞都叫招牌菜，是冷盤，個人略嫌肉質未夠滑，但賣相佳。燉豬肺湯都話係馳名，質素OK啦！湯渣顯示真材實料的，半隻雞仔加大量瘦肉但豬肺吾多囉！最讚係柚子元貝，新穎菜式，元貝嫰滑。其他菜式中規中矩啦！人均消費270，一試無妨。