而打淥滷汁拌粉 (青衣城2) (已結業)

今日天氣超好天，唔想再留喺Office附近區域食lunch , 就跟咗同事去青衣城搵食。 聽聞青衣城有間好正宗嘅台灣撈麵店，今日難得嚟青衣城就試吓啦。店內有三種麵底選擇，有米線、拉麵同烏冬。 老闆好細心介紹，米線最吸味，其次係拉麵，最後係烏冬。 選完麵底，就簡辣同唔辣。 因為同事食唔到辣，佢就叫咗滷味檔台式組合，而食得辣嘅我，就簡左麻辣燙自選組合。可惜店內無提供湯嘅麻辣燙。 唯有試試佢嘅麻辣燙撈麵，估唔到出奇哋好食，個撈麵少少辣，帶麻同甜甜哋嘅醬汁。 估唔到叫拉麵都咁入味。 我有選擇困難症，就直接叫咗「$42 - 麻辣三拼。」包捨麻辣蓮藕片、麻辣雞翼尖同唐生菜。雞翼尖好入味，雞皮好滑、生菜好翠綠、煮到剛剛好，好爽口。 蓮藕片亦好入味同新鮮，口感好爽而冧。 吃落仲有絲。 而同事叫嘅滷豆干就話好有豆味，椰菜好爽綠同爽口。