影片
更多
2012-09-04
55 瀏覽
八月的最後一天, 加上係 Good Friday, 一於去食個好少少嘅 Dinner 先.其實星期三呢間餐廳已經開張, 當日已經想試, 但恐怕 day 1 去幫襯會有啲混亂,所以都係比多兩日時間佢 (點知今日已經係 day 3 都仲有不少改進位).星期五 5:45PM 去到, 門口好多人(大部分人都係望 menu, 再加上因為格離間 "譽居" 第一日開張)行埋去 counter 攞位, 知客小姐話要個半鐘交枱. 心諗, 得個半鐘,而且老婆又未到, 不如轉個頭先再攞位, 橫點入面都係得兩三枱人,於是上去三聯睇陣書先, 6:20PM 再次去 counter 攞位.由知客小姐帶進裡面一排的二人枱坐底, 櫈都未坐, 我就第一時間望下個天花板,咁'斬'嘅?? 都未開聲, 知客小姐已經話: 係咪好'斬'呀? 呢排啲燈壞壞哋,不如轉另一張枱比你丫. 我當然話好.* 改進位一 : 開張三日, 啲燈 (仲係一排, 唔係一眼) 已經開始壞起勢'斬',應該要係未做晚市前整番好佢啦, 好在我早入嚟仲有枱轉, 真係替下一轉人客擔心,成餐飯要係高頻率的閃爍下度過, 會唔會癲癇症呢?* 改進位二 : 知客小姐既然都
其實星期三呢間餐廳已經開張, 當日已經想試, 但恐怕 day 1 去幫襯會有啲混亂,
所以都係比多兩日時間佢 (點知今日已經係 day 3 都仲有不少改進位).
星期五 5:45PM 去到, 門口好多人
(大部分人都係望 menu, 再加上因為格離間 "譽居" 第一日開張)
行埋去 counter 攞位, 知客小姐話要個半鐘交枱. 心諗, 得個半鐘,
而且老婆又未到, 不如轉個頭先再攞位, 橫點入面都係得兩三枱人,
於是上去三聯睇陣書先, 6:20PM 再次去 counter 攞位.
由知客小姐帶進裡面一排的二人枱坐底, 櫈都未坐, 我就第一時間望下個天花板,
咁'斬'嘅?? 都未開聲, 知客小姐已經話: 係咪好'斬'呀? 呢排啲燈壞壞哋,
不如轉另一張枱比你丫. 我當然話好.
* 改進位一 : 開張三日, 啲燈 (仲係一排, 唔係一眼) 已經開始壞起勢'斬',
應該要係未做晚市前整番好佢啦, 好在我早入嚟仲有枱轉, 真係替下一轉人客擔心,
成餐飯要係高頻率的閃爍下度過, 會唔會癲癇症呢?
* 改進位二 : 知客小姐既然都知啲燈壞, 又唔係無其他枱, 點解唔主動啲,
一開始就安排人客去坐另一啲無事嘅枱呢? 無枱就話啫.
好嘞, 坐好了, 睇睇個餐牌, 除了有數款海鮮系列 (例如生蠔) 可以散叫外, 另外有一個 Set Menu.
Set Menu 包括 Starter (前菜), Main Course (主菜), Signature Sweet(R) (即係 Dessert, 甜品),
及一杯普通的咖啡或茶 (冷熱皆可), 如果改飲 drink menu 內的就要加錢.
係睇緊 menu 期間, 侍應送上一份餐包 (free of charge).
第一個 Set 要咗 ($180)前菜: Seafood & Sweet Corn Chowder w/ Crouton (海鮮粟米周打湯配香草脆飽)
主菜: Mr. Steak Mixed Grill Combo (Mr. Steak 雜扒拼盤)
甜品: The Royal Chocolate Cake (英國皇室果仁朱古力餅)
另一個 Set 就係 ($188)前菜: Classic Caesar Salad with 'Loch Fyne' Smoked Salmon (蘇格蘭煙三文魚凱撒沙律)
主菜: Cioppino-Style Fisherman's Seafood Bouillabaisse (香檳鱈場蟹海鮮大燴)
甜品: Blueburry Chessecake (藍草莓芝士餅)
先講前菜, 個湯粟米味重, 微甜, 但可惜喝不出任何海鮮的味道, 如果只當普通的粟米周打湯來喝, 都算十分不錯, 但一加上 "海鮮" 二字, 就立即扣分了.
另外個沙律, 煙三文魚份量滿意, 咸咸的煙三文魚夾著沙律菜一齊食, 合格有餘之作.
前菜食完後, 大約十數分鐘後兩款主菜同時上枱 (此舉值得一讚, 唔使一個食, 另一個得個睇字).
小弟的雜扒拼盤包括有一條Angus牛肋條, 一件羊扒, 一件炸雞件, 一條黑豬肉香腸及一些薯菜
不愧為食牛扒的專門店, Angus牛肋條係整碟最好食的一款食物,
我要咗五成熟, 牛肋條外層烤至剛熟而內裡嫩滑, 而且 Juicy 多肉汁, 牛味亦重, Good.
另外有驚喜嘅係條黑豬肉香腸, 腸衣脆皮, 腸肉不肥膩而且豬肉味濃郁, 多汁, Good.
至於羊扒及炸雞件只可算是合格之作.
另一份是老婆的海鮮大燴, 包括有鱈場蟹腳, 青口, 尤魚, 熟帶子, 三文魚塊, 配以濃濃的海鮮湯底
鱈場蟹腳總共有四條爪, 蟹腳尚算粗大, 蟹肉鮮甜.
尤魚肉厚, 可以用尤魚扒嚟形容, 雖然係厚, 但一啲唔 'un', 而且十分彈牙.
青口有兩隻, 熟帶子有一粒及三文魚塊, 味道都是一般.
湯底十分濃郁, 配埋啲海鮮一齊食真係帶得出啲鮮味出嚟, 不錯.
主菜食完了, 侍應都收哂啲刀叉碗碟, 係時候上甜品啦.
等了又等, 十數分鐘過去, 甜品就無啦, 有位好似經理的男士攞張單比我. 說: 多謝! $405 蚊.
吓??? 甜品都未食, 而且仲有杯嘢飲未叫喎, 咁快就要比錢???
最後, 經理當然 Say 哂 Sorry, 話搞錯咗, 即刻跟跟啲甜品.
再十數分鐘過後, 兩款甜品終於上枱.
* 改進位三 : 應該係啲侍應(們)搞亂啲枱號, 因為除咗我哋張枱要"提早埋單"外,
正正係我隔離張枱都同一命運, 甜品都未食就要找數.
好, 講番食物先, 小弟對甜品一般, 所以只吃了小許朱古力餅,
餅身是硬的但算是鬆脆, 加上果仁碎粒, 最緊要唔太甜, 味道都可以.
至於芝士餅沒有試過, 所以不予置評. (跟據老婆描述, 藍莓醬酸酸甜甜, 芝士餅芝士味尚可)
最後就係飲埋杯再等多十數分鐘先嚟嘅熱咖啡 (沒有加錢改特飲, 只喝普通 coffee, 所以評價都係普通),
呢餐 dinner 結果食咗兩小時 (比知客小姐所講的個半鐘交枱長, 原因並不是小弟揼波鐘, 而係等食物時間長)
* 改進位四 : 出菜速度有待改善, 尤其是甜品同飲品, 我估唔使十數分鐘先整好掛.
最後真係埋單啦, 連埋加一總共 $405.
總括嚟講, 食物的味道同質素可以話十分不錯, 而且收費尚算公道.
但服務方面有很大的改善空間 (希望係新開張的關係, run 耐咗可能會好啲).
另外室內環境佈置OK (排除壞燈事件), 但比較嘈吵.
張貼
