影片
更多
2017-02-16
218 瀏覽
我比較鍾意食上海菜嘅冷盤同小食，搬咗嚟青衣之後，遇著唔想煮飯嘅日子都會嚟幫襯下呢間餐廳。醉雞、炸銀絲卷都係我每次必點。今晚點咗以下菜式：花雕醉雞 - 酒味好濃，我個人幾欣賞，做前菜好開胃炸銀絲卷 - 熱辣辣，金黃色，好香口，外面好脆，入面又軟淋淋，加埋煉奶，大人小朋友都鍾意食上海炒年糕 - 炒得好香，上海年糕好彈牙，味道都幾濃，所以食多幾啖就覺得稍為有啲咸小籠包 - 不過不失，層皮略為厚咗啲，但係價錢唔貴所以都無大期望豆沙鍋餅 - 應該係即叫即整，上枱嘅時候熱辣辣，甜味適中，可以encore餐廳員工服務態度就一般，門口無人帶位，入到去自己揾位，餐牌、茶，都要叫先俾，同埋啲店員永遠唔會應你一句，即使點菜都唔會同你覆單，寫完就走開
醉雞、炸銀絲卷都係我每次必點。
今晚點咗以下菜式：
花雕醉雞 - 酒味好濃，我個人幾欣賞，做前菜好開胃
炸銀絲卷 - 熱辣辣，金黃色，好香口，外面好脆，入面又軟淋淋，加埋煉奶，大人小朋友都鍾意食
上海炒年糕 - 炒得好香，上海年糕好彈牙，味道都幾濃，所以食多幾啖就覺得稍為有啲咸
小籠包 - 不過不失，層皮略為厚咗啲，但係價錢唔貴所以都無大期望
豆沙鍋餅 - 應該係即叫即整，上枱嘅時候熱辣辣，甜味適中，可以encore
餐廳員工服務態度就一般，門口無人帶位，入到去自己揾位，餐牌、茶，都要叫先俾，同埋啲店員永遠唔會應你一句，即使點菜都唔會同你覆單，寫完就走開
張貼