鴻福堂 (已結業)

平時行街突然間想食茶葉蛋，如果附近冇咩細小食舖頭或者涼茶鋪，其實都幾難搵到茶葉蛋食，不過好彩鴻福堂、健康工房同埋天仁茗茶等連鎖店來都有茶葉蛋賣 🤤🤤🤤 鴻福堂賣嘅茶葉蛋，特點係加入左靈芝，即係「 靈芝茶葉蛋 」（$6） ，聽落都好高級🙈🙈由於隻蛋係用一個好薄嘅膠袋裝住，所以一拎上手就feel到好熱，好彩鋪頭裡面都有一張高腳台方便食嘢（雖然鴻福堂有d其他分店係有更舒適嘅座位）。蛋白顏色已經喺深啡，仲有明顯嘅茶葉蛋紋。我覺得都幾有茶葉味，再加少少靈芝甘香，整體偏濃味，算唔錯。