CHAGEE 霸王茶姬 (利東街)

最近去咗灣仔新開嘅霸王茶姬旗艦店，試咗佢哋嘅招牌茶飲伯牙絕弦🧋，揀咗少甜少冰，真係啱晒我口味！茶底用咗茉莉雪芽，茶香清新自然，入口有淡淡花香🌸，唔會苦澀，反而回甘得嚟好順喉。茶底配上優質牛乳🥛，奶香濃郁但唔會搶味，整體層次分明，飲落去有種靜靜地享受嘅感覺。
少甜版本甜度啱啱好，唔會蓋過茶味，少冰又保留咗茶香同口感，真係飲得出誠意。新店環境寬敞舒適，裝潢走文青風，仲有雙層設計，打卡一流📸。灣仔一帶相比之下唔算多茶飲店，霸王茶姬係灣仔插旗真係岩曬係灣仔返工嘅上班族👩‍💼 Lunch time去買返杯飲下提下神🤩 不過真係好多人，最好預返少少等候時間，咁就唔使咁頻撲啦🤗