營足四季

營業中

休息中

觀塘嘅營足四季 餐廳裝修走露營風格🏕️其實係以前嘅合十搬咗過嚟 不過就轉左一種全新面貌 同以前一樣係pet friendly架🦮可以帶埋主子一齊去 但留意返戶外位唔多架 所以最好訂咗位先📱呢度店面勁大 一入去就見到各種露營嘅裝飾 桌椅都係露營用嗰種 入到去成個感覺勁chill😎最特別係中間有成架露營車喺度 入面都佈置得好靚 帶點民族風📸打卡一流食嘅野主要都配合返露營主題🍴▪️煙燻三文魚牛油果貝果先嚟一個輕食 bagel外脆內軟🥯牛油果夠熟夠稔 而煙三文魚嘅份量都有好多啊😍成個配搭都係我鐘意嘅 食包類真係最怕乾同硬 呢個成份入口都好軟熟▫️西班牙欖油蒜片墨魚配酸種包如果真係去露營時食到呢個都幾開心 墨魚好煙韌有嚼勁 將墨魚同蒜片放上包 我會再加啲欖油 整體好香之餘仲帶有辣味架🌶️所以好惹味 食唔停口😆▪️抹茶芭菲杯送到嚟時首先聞到好香嘅牛油味 係來自件croffle架🧇本身已經飽飽地 但係食慾即刻再來 芭菲杯主要係抹茶同紅荳嘅配搭🫘仲有蕨餅同脆米 增加唔同嘅口感 除咗咖啡/茶/酒類 呢度嘅特飲都好多款🍹全部都改咗特別名 我哋叫咗口水多個浪花 係青檸+荔枝+薄荷葉 味道清新☘️叢林的秘密就係水果配搭