串點 (已結業)

山系男女嚟睇下！相信疫情令吾少人變得熱衷於露營，你又有冇諗過原來有間餐廳都可以好似去咗露營咁，一齊睇下哩間位於長沙灣嘅“串點”，進入“偽露營”嘅世界啦！首先門面已經好特別，有點兒日本居酒屋嘅感覺，入內別有洞天，木質牆身，露營餐具，抬頭有營燈等等。桌椅採用日本露營高級裝備品牌DoD，坐落當然冇屋企梳發舒服，但係以露營標準嚟睇系上等。龍蝦沙律($48)，作為前菜都較清新，沙律內混有龍蝦肉及蟹子，用紫菜包起食味道不錯。雞串及雞丸($22/串)，雞串有沙哩味、冬陰功味、地獄辣味三種味，雞肉軟腍，其中沙哩味(沙嗲咖哩味)最為特別，而地獄辣味就令我瞬間醒曬～厚切餐肉蛋麻辣撈一丁($58)，如果58蚊食碗一丁可能會比阿媽鬧，不過講真每次去露營哥碗餐蛋麵真系比幾多錢都會食，再加上哩碗撈丁個辣油真係非常得，食一碗吾夠喉咁。