萬花紅火鍋酒家 (已結業)

上次只食過馬拉糕,今次自行購買(馬拉糕$13x4、糯米飯一碟$78)。幸好昨日二時多打電話詢問過,原來要預訂,因為師傅落班了。今日訂,明天有,但要3:00pm前或6:00pm後取。可是巴閉~二時多,店員更打來問,「是否到達?那我替你先翻熱。」(很認真啊!)來到門口,有不少食客堂食,外邊還有房車停泊。我說訂了糯米飯&馬拉糕,「老」伙計滾水渌腳地拿了兩盒糯米飯出來。果然沒「扼秤」,俾足堂食份量!然後再混亂地拿四件(兩盒)馬拉糕出來。四盒發泡膠盒,卻給了一個小膠袋。幸好我有BYOB咋!在吉枱位置,入袋之餘,想順道影相,誰知伙計叫,「攞返去至影啦」(與之前電話態度可是360度轉變)。回家蒸熱糯米。糯米很一粒粒,完全不”立”口,臘味切得細細粒,平均分佈每一啖中。很惹味!馬拉糕,上次講過喇。基本上仍然好食,但今次第二次食,細嚐細嚐,發覺它糕身粗嚡,唔滑。不過現今仍可吃到古法味道,已感幸福了。