安哥食館 (已結業)

早兩日深水埗買完野，諗住行落旺角搵飯食，行到近太子附上見到有間有D似大排擋形式的安哥食館好似唔錯，咁就費事諗食咩就試下佢坐底睇餐牌，果然款式真係似大排擋，點了黃金蝦，薑蔥生蠔煲，鴛鴦魚頭，和店主推薦的咕嚕肉！先上黃金蝦，蝦算大隻，新鮮幾爽囗，外層脆卜卜，炸到黃金色，而且咸蛋汁味道不錯，做出來不會太乾身，有水準！再來就是店主推薦的咕嚕肉，這店做的方法應該同一般的做法不同，真係好特別!他們的皮係比較薄同脆，肉就用比較軟和肥的部位，所以食落唔多似咕嚕肉，幾特別，就當佢係甜酸味的脆皮排骨啦！之後就係薑蔥生蠔煲，薑蔥好香好夠鑊氣，生蠔幾肥肚夠脹，而且整得好入味！份量仲唔少呀!最後就是駌鴦魚頭，一邊係鼓汁，一邊係似川味，魚頭好大好新鮮，火喉時間控制得幾好，好滑，川味那邊個人唔太食辣覺得都唔會好辣，鼓汁那邊夠哂濃味，一次食到兩種口味，唔錯∼整體來講，間店食大排擋式小炒中菜，都能做到大排擋的風味，有一定水準，如在太子附近搵野食可以一試∼