利寶閣 (已結業)

聽朋友講有間酒樓有叉燒飯加佛跳牆唔錯，我第一時間就湧出星爺食神既回憶，二話不說就約朋友去試下係咩一回事。第二日放工同幾個朋友一齊去食，一坐底我已經決定要食谷飼豚肉叉燒飯配原盅佛跳牆，其他就交比朋友決定。

谷飼豚肉叉燒飯

原盅佛跳牆

過咗陣，我個黯然銷魂飯同超級無敵海景佛跳牆就到咗，叉燒飯大大件，咬落去夠彈牙好滿足，而佛跳牆就好足料，有鮑魚海參等，整體味道醇，去開既話可以試下依個組合。

蒜片和牛粒

明太子賽螃蟹

然後係蒜片和牛粒，和牛粒淋身牛味重但油份不足，配蒜片好夾。之後係明太子賽螃蟹，蟹肉十足蛋白亦好滑，平時好少食，但感覺唔錯。

啫啫遼參雞煲

1

肉絲煎兩面黃

再黎既係啫啫遼參雞煲，雞肉好滑遼參爽中帶腍，蔥入哂味好好食。到肉絲煎兩面黃，湯汁另上可以保持麵質香脆，我自己比較鐘意唔落湯汁就咁食。

脆皮香芒蝦球

蘋果拔絲

最後係脆皮香芒蝦球，蝦球爽口，配個汁甜甜地淡淡芒果味亦幾夾蝦肉。食到尾叫咗個蘋果拔絲，糖絲外型華麗，蘋果表面好脆，果肉爽口香甜，係個唔錯既結尾。總結，依餐飯可以食到電影既感覺，整體感覺良好。