蛋記

營業中

休息中

西灣河嘅太安樓出名美食多，最啱就係鍾意掃街嘅朋友。 太安樓地下嘅格局有點似重慶大廈， 行人熙來往讓， 幾乎每條巷都會有數間特色嘅小食店，今次呢間叫做《蛋記》嘅雞蛋仔，排有長長的人龍， 負責整格仔餅同雞蛋仔嘅哥仔插著耳筒，非常從容咁整出一底底香脆嘅雞蛋仔。為咗更快整出蛋漿， 小食店用咗量產型嘅電鑽作攪拌嘅用途， 慳水又慳力。呢度最出名嘅就係【芝士雞蛋仔】$20， 雞蛋仔整好後用風扇先吹一吹， 確保外層鬆脆，整好攞上手仲係熱辣辣。雞蛋仔外層粒粒都脆卜卜， 一入口就滲出濃郁嘅芝士鹹香。 雞蛋仔裏面軟熟， 火喉控制得相當好， 一個人食一底絕對唔出奇， 難怪咁多人去排隊。