日本料理「和亭」 (已結業)

清明節既lunch time時段，可能因為係公眾假期既關係人唔算太多，成間餐廳一半都坐唔晒。亦都因為咁，落左order唔夠10分鐘就有野食，非常快手！牛肉壽喜燒︰幾十蚊有咁既牛肉份量，都算抵食！店員非常盡心，食物黎到首先教我地點樣煮，再問佢攞多D sukiyaki 汁既時候又好窩心咁提我地落得太多會好鹹，重俾左杯熱水我地「溝稀」佢添，抵讚！食物質素雖然都只係大路野，但無論豆腐、冬菇同埋金菇等等既蔬菜都尚可接受。始終咁既價錢真係唔可以要求咁高！韓式豚肉石鍋飯︰老實講，好一般，不過四十幾蚊真係唔可以要求咁高。飯既份量唔算好大，一般女士可能都勉強夠，但大食既男士可能真係差D！飯上面3塊豚肉麻麻地非常「頹」，比較鞋口之餘又冇乜野肉味！總括黎講，如果你將呢度當成「日式茶餐廳」，對任何服務或者食物質素完全沒有expectation的話真係絕對可以接受！值得一提既係呢度亦都係我咁耐以黎，第一次入日本餐廳而一句「港式日文」都聽唔到！