必勝客 (創紀之城五期(apm))

營業中

休息中

今晚去APM原本諗住去FOOD COURT,點知而家無咗(應該裝修)，於是周圍行吓睇吓食咩好，行過PIZZA HUT又好耐無食，於是入咗去。首先就叫海鮮寬條麵(細個時勁鍾意食佢)，跟住叫埋西班牙海鮮炒飯同煙肉忌廉薯條。第一個上嘅係煙肉忌廉薯條，啲薯條夠熱又夠脆，但反而啲忌廉醬就完全唔得，幾淡無味，齋計應該薯條都仲濃味，唔駛沾啲醬都得。然後到海鮮寬條麵，點知都係偏淡，而且啲忌廉汁好稀，同埋啲寬條麵超淋，同以前食嘅係兩回事，完全唔得。最後到西班牙海鮮炒飯，啲飯唔熱，雖然有味，但係葡汁味，似葡國海鮮炒飯多啲。最緊要係睇張單時要加一，但由喺出面拎飛開始到埋單俾錢都完全唔覺有服務，啲侍應態度又差，埋單又係自己拎張單去收銀埋(記得以前食都唔係咁，係侍應過嚟埋。咁樣都要加一，完全講唔過去，反而覺得茶餐廳仲好過佢，唔值得再去。