影片
更多
2010-01-01
30 瀏覽
本身唔係想食呢一間，我想周圍望下先…去到呢間野門口，都不得不承認比佢的「廿蚊半磅三文魚」所吸引。正當我望多幾眼，門口的伙計就即刻落足嘴頭推介呢間餐廳。既然見佢咁落力推銷，而我同伴又唔介意，也一試無妨。誰知心軟的背後，為我揭開一幕幕的惡夢？一入鋪頭，佢的裝修已經令我有hard feeling , 我食餐 $23.5的 M記 環境都靚過佢。入去，仲要係搭人地張台，咁都算啦，我都深明除夕夜係會人多D嫁啦，尚且屈就…屈就…。打開menu，見到原來要夠50蚊先可以有廿蚊半磅三文魚刺身的優惠；同埋食夠一百蚊先可以1蚊1隻甜蝦刺身，咁都叫做合理既，因為始終係佢作招徠的商業手法。橫掂都仲未有idea叫咩野食。咁我地兩個人先點左 一客特長海鰻同埋炸蟹鉗 來做我地的opening 先啦落完order之後，未幾，發現一個環境更好的二人座位 剛剛埋完單走佬，我地就問問可唔可以轉過去坐啦，點知個waitness話我地已經落左單，無得轉！你同我講唔得，我無所謂；但係你用D不適當的態度去拒絕我的要求，我就大有所謂！我懷疑果一刻，佢係客人我係侍應。我亦都深感懷疑佢有無望過 劉華的廣告，知唔知咩叫做服務態度。而且我只係
去到呢間野門口，都不得不承認比佢的「廿蚊半磅三文魚」所吸引。
正當我望多幾眼，門口的伙計就即刻落足嘴頭推介呢間餐廳。
既然見佢咁落力推銷，而我同伴又唔介意，也一試無妨。
誰知心軟的背後，為我揭開一幕幕的惡夢？
一入鋪頭，佢的裝修已經令我有hard feeling , 我食餐 $23.5的 M記 環境都靚過佢。
入去，仲要係搭人地張台，咁都算啦，我都深明除夕夜係會人多D嫁啦，
尚且屈就…屈就…。
打開menu，見到原來要夠50蚊先可以有廿蚊半磅三文魚刺身的優惠；
同埋食夠一百蚊先可以1蚊1隻甜蝦刺身，咁都叫做合理既，
因為始終係佢作招徠的商業手法。
橫掂都仲未有idea叫咩野食。
咁我地兩個人先點左 一客特長海鰻同埋炸蟹鉗 來做我地的opening 先啦
落完order之後，未幾，發現一個環境更好的二人座位 剛剛埋完單走佬，
我地就問問可唔可以轉過去坐啦，點知個waitness話我地已經落左單，無得轉！
你同我講唔得，我無所謂；但係你用D不適當的態度去拒絕我的要求，我就大有所謂！
我懷疑果一刻，佢係客人我係侍應。
我亦都深感懷疑佢有無望過 劉華的廣告，知唔知咩叫做服務態度。
而且我只係落左兩樣野，轉一轉單有幾難？？？？
我唔知係你懶，定係我麻煩。
咁我過左一陣都消番啖氣啦，好啦，你有你無品；我有我繼續食我的除夕大餐，
我地食完剛剛果兩樣野就再落order叫左 鹽燒三文魚定食(包飯、湯同汽水)同埋魚生。
魚生的底下有好多椰菜絲，不過我個人唔鐘意食椰菜絲，下下都要掃番開d絲先放入口。
不過公平d講句，裡面d野食都OK
「值得」一提既係，佢地的飯成pat野咁，我果一刻覺得自已好似食漿糊咁。
我覺得我屋企自已煲的飯比佢還好千百倍。
後來再落order要甜蝦刺身，隔左一陣走過來同我講話我地未食夠一百蚊。
HA???? 未食夠？咁算囉…埋單啦。頂！埋單果一下竟然 $127
點解可以咁矛盾？一時話未夠數，一時又話百幾蚊？
係你的一種商業詐騙手法，定係你部收銀機壞左呢？真是不可思議……
奉勸此餐廳一句：今時今日咁既服務態度，係唔得既。
張貼