雲貴風正宗雲南米線 (已結業)

屯門雲貴風好出名，長期都多人排隊，但舖面都幾狹窄，坐落唔太舒服。而位於元朗呢間分店就大間啲，坐得會舒服啲。🍜辣腩肉、娃娃菜小酸辣薯粉 $46★★★★☆雖然叫左小酸辣，食落都幾酸，但我重口味就覺得OK，辣就真係唔太覺辣，食得辣可以叫中辣。個麵有巨量新鮮肉碎同埋酸菜，食落好多料咁。薯粉係幼身扭姣個隻，質地OK，唔會太淋一夾就斷。辣腩肉份量多，唔太辣味道夠。娃娃菜正常，索埋D湯汁食就幾好味。腩肉、雞腎、蘿白清湯米線加底 $53★★★★☆雖然係叫清湯，但食落都好夠味，加埋酸菜都唔錯。蘿白OK，淋但冇渣。腩肉份量好多又大件，夠味夠淋唔太鞋身，雞腎正常，有咬口。米線唔會太淋，今次食都幾煙韌。🌟總括：話超級好味就仲未到，但米線店黎講都中上水準，屬於重口味嘅米線店。同埋佢嘅炸野都出名，之前食過都唔錯。因為住喺附近，間唔時去食下都唔錯。