殿糖級 (已搬遷) 新店位置

是日休息，同朋友去左元朗bbq，燒到熱辣辣，梗係要食番碗糖水降一降温。元朗果然好多美食，淨係糖水鋪都總有一間係你左近。今次揀左"殿糖級"，貪佢無咩人唔洗等，同埋帶住隻小狗子，可以坐外面d櫈。我地一行八個人，叫左四款雪花冰，三個西米露，一個黑珍珠。雪花冰方面，我地叫左綠茶味，益力多味，士多啤梨味，和天使，姐係牛奶味，當中以牛奶味最淡，如果喜歡清淡口味最岩，綠茶味最濃。我點既係士多啤梨味，d冰較其他三款碎，變左碎花冰，少了綿既感覺，不過大熱天食雪花冰，非常消暑解渴。至於西米露和黑珍珠，略嫌唔夠凍，味道亦不過不失，不過亦有朋友表示貪佢唔會太凍。