影片
更多
2007-05-24
5 瀏覽
成日都嚟食，都已經係熟客，個個見到都會打招呼。嚟食嘢係因為品質唔錯，價錢合理，仲有個女經理同一兩個妹妹都好細心。琴晚同屋企人及朋友一行五人去食餐開心飯，最後卻因為個倒米經理換來一肚氣。啲嘢幾好食都假，其他侍應幾友善都補唔返！不過做人要公道啲，琴晚碟包公桂魚真係唔錯，好食！好食！食飽咗，梗係叫甜品，咁先完滿嘛！點知就咁先換來一肚火！我哋商量食乜嘢，決定咗叫二款湯丸：擂沙湯丸同豆漿湯丸。赫見有個叫做雨花湯丸咪問吓落單個高大侍應係乜。佢話係朱古力皮包住花生餡，聽落唔錯咪叫埋，唔叫尤是可，叫咗成肚火！擂沙湯丸先上，層片又厚又唔軟，用兩支牙簽拮住拎得起，軟極有限！我去許乜乜食，人哋真係熱辣辣，軟綿綿！算！我等雨花湯丸，我愛食朱古力！到喇！原來係外層好似雲石咁樣”ｏ既”湯丸皮浸係桂花糖水入面。一客四粒，爸爸唔食，我哋一人一粒！我梗係第一個試啦！一口呷落去，嘩！咳！啲糖水甜到嗆喉！算！試吓粒朱古力皮湯丸先！唔係嘛！一啲朱古力味都無，層皮仲要厚都死，啲餡只係佔成粒湯丸少於三份一的大少！食糯米都食都反胃！媽媽見我哋咀都扁晒，咪將佢嗰粒未食過”ｏ既”湯丸揾個細心妹妹交比個寸寸倒米經理試吓，個心都係想佢哋有
不過做人要公道啲，琴晚碟包公桂魚真係唔錯，好食！好食！食飽咗，梗係叫甜品，咁先完滿嘛！點知就咁先換來一肚火！
我哋商量食乜嘢，決定咗叫二款湯丸：擂沙湯丸同豆漿湯丸。赫見有個叫做雨花湯丸咪問吓落單個高大侍應係乜。佢話係朱古力皮包住花生餡，聽落唔錯咪叫埋，唔叫尤是可，叫咗成肚火！
擂沙湯丸先上，層片又厚又唔軟，用兩支牙簽拮住拎得起，軟極有限！我去許乜乜食，人哋真係熱辣辣，軟綿綿！算！我等雨花湯丸，我愛食朱古力！
到喇！原來係外層好似雲石咁樣”ｏ既”湯丸皮浸係桂花糖水入面。一客四粒，爸爸唔食，我哋一人一粒！我梗係第一個試啦！一口呷落去，嘩！咳！啲糖水甜到嗆喉！算！試吓粒朱古力皮湯丸先！唔係嘛！一啲朱古力味都無，層皮仲要厚都死，啲餡只係佔成粒湯丸少於三份一的大少！食糯米都食都反胃！媽媽見我哋咀都扁晒，咪將佢嗰粒未食過”ｏ既”湯丸揾個細心妹妹交比個寸寸倒米經理試吓，個心都係想佢哋有改善啫！個妹妹仲話，雨花湯丸原來唔係朱古力皮！咁我哋咪！蠢咗囉！
過咗一陣，佢行埋嚟，話個糖水係甜咗啲！我哋就不約而咁同佢反映話層反好厚，問佢有冇試！點知條友（唔好意思，咁粗俗！不過真係好氣！）話冇，仲話唔知粒湯丸係比佢試，倒咗！又話「點知你哋有無試過！」有無搞錯！！！又話「我唔想食你哋口水聽你哋話！」又推搪話頭先嗰盤啱啱淥完，要開另一盤新，總之藉口多多，無啲誠意！
我哋話豆漿湯丸啲皮係薄好多，佢就話因為豆漿湯丸係師傅仔做係好啲，雨花湯丸就係大師傅做，所以係唔同啲！咩歪理嚟ｏ架！又叫我哋唔好讚啲豆漿湯丸，一讚就會出事！可怒也！！
呢啲係咩態度？家姐忍唔住，好COOL咁講咗一句：「我哋比意見啫，你可以唔接受ge！」佢就真係一句回應都無，轉身就走！呢啲就係服務咩？如果我係老闆，真係多得佢唔少，唔通因為我哋係熟客，我哋就要自取其辱咩？
各位下次去幫襯，千祈要認住呢個四眼大眼經理強哥，要反映意見都千祈唔好揾佢！
張貼