影片
更多
2010-05-10
24 瀏覽
都有好一排冇o黎此酒店食晏.原因都有幾個; 一o黎, 午餐時間唔夠; 二o黎, 有個朋友係譚仔迷; 所以次次同佢出o黎都係去食粉麵...今日唔同, 因佢病左! 可以試吓第二d 餐~其實自從幾年前, 爆出"新聞", 都好少再有人提議o黎. 話雖如此, 但總有雨過天晴的一日, 黎明之前的黑暗, 始終都會過去的. 所以今日和另外幾個朋友都想再戰此酒店!穿過後面的巴士站, 成排茶餐廳, 和門口前全是煲煙大叔的馬會投注站, 到了酒店, 好似去了第二個空間咁.大堂有不少遊客, d 職員個個都西裝, 沒有二手煙但有凍冰冰的冷氣; 仲有令人鬆弛的音樂...揀不到什麼餐想食, 剛好有個同事仲有幾日就生日, 佢想食意菜, 所以行了去 avanti.看看門口的午餐餐牌, 都o岩食, 入內坐下先.入面仲熱過出面, 哈, 原來開左個對住河邊的大門, 唔怪得.唉呢度係空氣不太好的香港, 而非浪漫之都巴黎...唯有有咁遠坐咁遠, 好采入內都仲有d冷氣~哥哥好好招呼地介紹了今日的set lunch. 其實都不錯, 一百蚊有個幾大的set, 有前菜甜品飲品.我最後揀左三文魚墨汁意粉, 配沙律及cheese cake;
原因都有幾個; 一o黎, 午餐時間唔夠; 二o黎, 有個朋友係譚仔迷; 所以次次同佢出o黎都係去食粉麵...
今日唔同, 因佢病左! 可以試吓第二d 餐~
其實自從幾年前, 爆出"新聞", 都好少再有人提議o黎.
話雖如此, 但總有雨過天晴的一日, 黎明之前的黑暗, 始終都會過去的. 所以今日和另外幾個朋友都想再戰此酒店!
穿過後面的巴士站, 成排茶餐廳, 和門口前全是煲煙大叔的馬會投注站, 到了酒店, 好似去了第二個空間咁.
大堂有不少遊客, d 職員個個都西裝, 沒有二手煙但有凍冰冰的冷氣; 仲有令人鬆弛的音樂...
揀不到什麼餐想食, 剛好有個同事仲有幾日就生日, 佢想食意菜, 所以行了去 avanti.
看看門口的午餐餐牌, 都o岩食, 入內坐下先.
入面仲熱過出面, 哈, 原來開左個對住河邊的大門, 唔怪得.
唉呢度係空氣不太好的香港, 而非浪漫之都巴黎...
唯有有咁遠坐咁遠, 好采入內都仲有d冷氣~
哥哥好好招呼地介紹了今日的set lunch.
其實都不錯, 一百蚊有個幾大的set, 有前菜甜品飲品.
我最後揀左三文魚墨汁意粉, 配沙律及cheese cake;
再加杯凍啡先.
先上的有籮包. 唔好睇小呢籮包, d 包好鬆軟, 香草味濃, 加d balsamic醋及油, 正. 朋友卻喜歡點洋蔥味或茄味醬多d, 我試左d, 味其實幾濃, 點少許已足夠. 真係好好食, 我們一人都食了3, 4 塊包, 食完已半飽...
d野都幾快上. 沙律跟住到了. 朋友的蝦沙律有4隻中蝦, 係爽口的; 我叫的係雞沙律, 雞係stuffed 的, 切了兩片俾我; 另係跟醋汁的, 幾清, 唔油, 好fresh.
stuff 在雞內的都係菜, 吸收了d 雞汁, 香甜得很; 另個雞本身都唔太肥, 所以唔算油膩呢.
d 菜爽口, 自己再加左d 點麵包的醋及橄欖油添~
主菜方面, 我的三文墨汁意上了. 有兩片好大的煙三文, 看到那鮮橙色, 食慾大增!
切一片, 咬一口, 三文味濃, 但唔油, 肉質幾靚. 一d 都唔霉. smoke 唔同的地方係有少許煙味的, 也令到個味道入了三文肉內; 由於係煙好耐, 慢慢熟的, 肉唔會變粉紅色, 也冇咁硬.
墨汁意方面, 係有d 白creamy 汁煮的. 用义卷起一注, d 汁其實都幾濃, 痴住, 好香. 雖然有少許芝士碎已落了在墨汁意粉上面, 但食落芝士味卻冇乜, 不似意式carbonara, 但就是creamy.
朋友的煎盧魚, 不太大片, 剛好o岩晒不太大食的女士. (哈佢之前食了4,5 片香草包喇!!!)
她說生熟剛好, 魚肉質好靚. 好食到叫我下次都要叫o黎一試. 佢通常係 city super 買送既, 都咁講, 相信都不會錯呢.
甜品方面, 我叫了cheesecake, 先食片士多啤梨才食蛋糕, 幾甜, 芝士味頓時籠罩住成個口, 好香, d 芝士味好耐才散~ 之後d甜味才出現, 很有層次. 味覺的刺激呢~
朋友的 tiramisu, 佢說也很好, 以佢食的速度, 相信是真的.
服務很好, 唔知點解, 當日真係冇乜客人, 所以咩都好快手.
有某信用咭有8折. 3人共食了 $300. 相當不錯. 真係幾掂噃.
走果陣, 出面好猛太陽! 何止黎明呀, "太陽出來了" 呀~
張貼
