牛極 (譚公道) (已結業)

住附近咁耐，突然想食日本牛，就去呢間食下，見到佢個宣傳海報幾吸引，就叫咗呢塊牛肩扒。一開始食下沙律，個湯都幾好飲，仲要係任飲任食，呢樣係幾吸引，個白飯都好好食，蒜蓉同埋燒汁都係自己任裝，不過塊扒就搞唔掂，中間嗰條根，唔好講要食要咬，我用刀切都切左幾分鐘，切到我手都軟埋，然後舊石又差唔多開始無熱力，完全唔明白點解咁樣都可以比人食，每咬一啖啲筋都深深攝入牙罅，$130講真又唔係話特別平，去其他牛扒餐廳食個扒餐仲好，失望！