影片
更多
2016-06-18
178 瀏覽
難食到要開個acc黎提醒大家！同女朋友行街食晚飯，望入去幾特別，以為唔錯。環境:望落唔錯，但坐到入去就會覺得左頂又頂，坐得唔舒服，絕對唔係傾計飲野既好地方。士多啤梨冰:冇味，講都唔覺有士多啤梨味。感覺似一杯糖水加冰，上面再插支soda水。除左望落去特別之外，根本就飲唔落。糖水唔似糖水，smoothies又唔似smoothies, 唔知杯野想點。Buffalo wings:先唔講佢收我58蚊比3隻雞翼仔我，鬼叫自己鍾意食咩，貴d咪貴d，但問題係您要整得好食丫嘛！雞翼仲有雪味，失敗！茶記既水準都做唔到！味道又唔夠香，老麥買個脆香雞翼點少少辣醬仲惹味過佢！蟹肉帶子南瓜意大利飯:蟹肉同南瓜完全唔見影！得兩粒元貝仔仲要係冇味既！飯又太林，又浠又多水又冇味！似係潮州粥用碟上！香煎鱸魚:又係冇味既！貌似避風塘鱸魚，但食落唔惹味！煎到乾晒，好似炸岀黎咁！最離譜係，d伴碟既脆肉瓜都拎去炸！一d對食物既誠意都冇！以為放靚少少就好味咁！我每樣野食左兩啖就停晒手唔想食！唔係話佢難食到放唔入口，但每樣食物同應有既味道都相差太遠，環境又唔舒服，完全冇意慾再食。女朋友嘗試食埋d野，當填飽個肚就算，但最終都攪唔掂，每
難食到要開個acc黎提醒大家！同女朋友行街食晚飯，望入去幾特別，以為唔錯。
環境:
望落唔錯，但坐到入去就會覺得左頂又頂，坐得唔舒服，絕對唔係傾計飲野既好地方。
士多啤梨冰:
冇味，講都唔覺有士多啤梨味。感覺似一杯糖水加冰，上面再插支soda水。除左望落去特別之外，根本就飲唔落。糖水唔似糖水，smoothies又唔似smoothies, 唔知杯野想點。
Buffalo wings:
先唔講佢收我58蚊比3隻雞翼仔我，鬼叫自己鍾意食咩，貴d咪貴d，但問題係您要整得好食丫嘛！雞翼仲有雪味，失敗！茶記既水準都做唔到！味道又唔夠香，老麥買個脆香雞翼點少少辣醬仲惹味過佢！
蟹肉帶子南瓜意大利飯:
蟹肉同南瓜完全唔見影！得兩粒元貝仔仲要係冇味既！
飯又太林，又浠又多水又冇味！
似係潮州粥用碟上！
香煎鱸魚:
又係冇味既！貌似避風塘鱸魚，但食落唔惹味！
煎到乾晒，好似炸岀黎咁！
最離譜係，d伴碟既脆肉瓜都拎去炸！一d對食物既誠意都冇！以為放靚少少就好味咁！
我每樣野食左兩啖就停晒手唔想食！唔係話佢難食到放唔入口，但每樣食物同應有既味道都相差太遠，環境又唔舒服，完全冇意慾再食。
女朋友嘗試食埋d野，當填飽個肚就算，但最終都攪唔掂，每樣野剩低大半碟就埋單走人！
如果您話我浪費食物既話，我唯有講聲sorry，係間餐廳浪費食材在先，實在冇辦法迫自己食d味道同質感都咁差既野！
服務態度:
我又真係冇辦法話佢差既，因為根本冇服務呢一回事！
其實本來冇咁嬲，我當自己咀刃，野食唔岩食，咁咪埋單去第二度食囉！
埋單時waiter 都有禮貌咁問我地，d野食係咪唔岩食。我地都細細聲講番d意見比佢聽，費事比其他客人聽到，影響到佢地。
之後個太子仔走埋黎，態度唔多友善咁問我地有咩問題，話d食物好正常，係咁架。之後不滿地講話最多打個八五折比我。
我嗌埋單走時又冇投訴過，又冇諗過要r您打拆！我地覺得唔岩食，唔想食所以埋單走咋嘛。您地客氣咁問我有咩問題，我地都禮貌地細聲咁分享我地既意見，但您又用d不滿同唔客氣既態度對人。
您覺得冇問題咪得囉，您咪繼續賣d有雪味既雞翼，冇味既潮州粥當risotto，炸脆肉瓜同避風塘鱸。
咁我唯有盡公民既責任，提醒下大家，費事浪費咁多食材喇
張貼