磊犇 (已結業)

之前食過超好食，但過左冇耐因疫情關左一輪，今日路過又見到開返就入去食返餐。一入去有個亞姐介紹熟成牛，話好甘香。我就叫左個熟成牛試下，我老公叫左個西冷。一坐低同以前唔同，唔係自助形式。亞姐話因疫情，所以係員工攞飯攞湯比我地。正常既。我個熟成牛$218，黎到d肉黑炆炆，已經唔對板，都算照放上石約1-2分鐘就起，煎好咬落口，硬到死，冇肉味，仲有陣雪味，難食到爆，我問亞姐d肉邊度黎，佢話澳洲，我即時dead air....大佬$218話多唔多話少唔少。垃圾。$50都比多佢。老公個舊西冷，食落口又係冇牛味，一大陣雪味。唉........大家試都唔好試.....浪費金錢....成間舖都係大陸人...問佢係唔係換左老細又話唔係。