塚田農場 (已結業)

新餐廳呀～ 一定要開心試～ 點知食完失望至極，體驗好差，食物質素就更失望😞一入去就比咗個menu我睇， 但又要scan QRcode ，要睇多次menu落單～ 書menu有寫嘅嘢，但電子版無，仲以為自己落漏嘢，confirm 粒制又細又唔知喺邊，感覺超級差～ 要睇兩次menu呢個行為好痴線～最後點咗美人框飯。 不過如果skip左睇書menu,咁應該唔識出bar枱夾沙律同拎野飲了， 蝕比間餐廳...沙律🥗bar , 所有食物暴露係空氣中～ ✋🏻不了～ 我唔敢食呀～ 拎野飲仲戇居～果汁機擺成前後上下兩層，下層機身出口位同枱距離短個隻杯，咁點呀，攝隻杯入去打斜斟，斟多少少都會瀉，拎唔返隻杯出嚟... 咁都叫服務，仲要比加一服務費，傻的嗎~食物嚟到，唔覺得值嗰個價，份量少，味道質素差😞😫非常失望。先講沙律，薄薄嘅魚刺身，居然無咩魚味～ 個豆腐係咪飛撻入碗？ 碗邊都是汁，好核突～三文魚飯同鰻魚飯～ 三文魚好乾，乾到實晒，蒸多蒸應該變柴枝。鰻魚得個兩舊，少到喊，仲要擺盤擺到東歪西倒，想打個卡都唔得🥺😢 啲飯仲唔係圓碌碌嘅日本米，零米香，得個鹹，到底比咗咩我食～ 天婦羅份量ok. 蔬菜新鮮程度好一般