影片
更多
2020-08-16
183 瀏覽
太耐冇出街，夜晚又禁堂食仲煩同朋友去邊度慶祝生日，打開黃店app 見做緊折 仲要係同路人，緊係落力懲罰吓啦！嗌咗個餐set 同埋海膽杯個set第一道菜 就見到個侍應從雪櫃攞刺身出來，整定雪定都唔緊要，上到埋台 成隻蝦黑色嘅，大佬呀…仲霉霉地臭添，諗住算啦 都係前菜啫 主菜好食咪得囉。跟住開始見師傅煮， 疫情之下去唔到日本啫，都唔好當我傻架，太名貴我可能唔識 ，但cheap cheap哋果d我都識分嘅，碟原隻粒貝 一睇就知係 爭鮮貨色啦！求其加幾粒青瓜蟹籽就係到扮原隻粒貝？唔怪得5折啦，但咁嘅食材五折 我都嫌貴。好啦，跟住又來多個海膽杯， 點知又係 金玉其外 敗在絮中，睇就幾好睇，一食 頂！海膽腥到個阿媽都唔認得，仲話海膽達人？ 知唔知醜呀？入面嘅所謂18層海膽杯 就係d魚生 塞哂係個杯到 大雜燴，咁就叫海膽杯，d魚生 仲要勁重雪味 ，賣成3舊幾水，朋友都忍唔住 即刻要去 啷口。諗住算啦， 食埋個炒飯 飲埋碗湯就走，點知原來好戲 真係 係後頭， 嗰碗所謂嘅紙包湯 又係腥臭，真係想知個廚師係咪冇味覺？咁大陣味都聞唔到？ 真係忍唔住 同朋友即刻埋單走人， 可一不可再，絕無下次， 啲好評都
仲煩同朋友去邊度慶祝生日，打開黃店app 見做緊折 仲要係同路人，緊係落力懲罰吓啦！
嗌咗個餐set 同埋海膽杯
個set第一道菜 就見到個侍應從雪櫃攞刺身出來，整定雪定都唔緊要，上到埋台 成隻蝦黑色嘅，大佬呀…仲霉霉地臭添，諗住算啦 都係前菜啫 主菜好食咪得囉。
跟住開始見師傅煮， 疫情之下去唔到日本啫，都唔好當我傻架，太名貴我可能唔識 ，但cheap cheap哋果d我都識分嘅，碟原隻粒貝 一睇就知係 爭鮮貨色啦！求其加幾粒青瓜蟹籽就係到扮原隻粒貝？唔怪得5折啦，但咁嘅食材五折 我都嫌貴。
好啦，跟住又來多個海膽杯， 點知又係 金玉其外 敗在絮中，睇就幾好睇，一食 頂！海膽腥到個阿媽都唔認得，仲話海膽達人？ 知唔知醜呀？入面嘅所謂18層海膽杯 就係d魚生 塞哂係個杯到 大雜燴，咁就叫海膽杯，d魚生 仲要勁重雪味 ，賣成3舊幾水，朋友都忍唔住 即刻要去 啷口。
諗住算啦， 食埋個炒飯 飲埋碗湯就走，點知原來好戲 真係 係後頭， 嗰碗所謂嘅紙包湯 又係腥臭，真係想知個廚師係咪冇味覺？咁大陣味都聞唔到？ 真係忍唔住 同朋友即刻埋單走人， 可一不可再，絕無下次， 啲好評都唔知點樣嚟嘅，以後食嘢真係要先睇 劣評。
張貼