影片
更多
2010-09-06
11 瀏覽
自問食嘢要求一向唔高，只要唔難食，一般都唔會食到擰哂頭。但係呢間真係有咁幾能力，難食到要比個喊佢。星期六係始創搵地方食個晏，原本唔係想食呢間，因為佢個個餐都話要成hk$40幾蚊，樓上紅蔥頭都只係hk$30零蚊。可惜人地等成7張枱，我又趕時間，咁冇計啦。1) 咕嚕雞球餐，大拿拿成hk$46；唔知係咪大家對咕嚕嘅定義有出入，佢個咕嚕並唔係我食開嘅咕嚕，佢只不過係將茄汁加啲糖再打個茨嘅汁，酸得嚟又唔咸唔甜，亦只係雞片，粉漿可以同舊雪藏雞分離，又淋patpat兼冇味，成個飯都係得個難食茄汁味！2) 肉丸意餐，hk$42。個意粉醬食得出係超市有售嘅樽裝意粉醬，肉丸食得出係街市凍肉檔有售嘅豬肉丸。點解我要比成hk$42蚊出街食我自己都煮到嘅嘢？跟餐叫咗珍珠奶茶同柑桔檸檬，諗住呢啲懶係台灣小吃店，可能碟頭飯唔專業，台式飲品就實冇死啦，點知原來係冇關係！杯珍珠奶茶飲咗都唔覺佢係一杯珍珠奶茶，杯嘢係白色，因為落得太多淡奶。冇味，因為主要成份淡奶係冇乜味！另外柑桔檸檬就冇飲，不過就算唔難飲都唔會特別好飲。慶幸經理同侍應服務態度令人滿意，但HK$40幾蚊一個午餐，對本人嚟講絕對唔平。而佢可以難食到令我一路食
星期六係始創搵地方食個晏，原本唔係想食呢間，因為佢個個餐都話要成hk$40幾蚊，樓上紅蔥頭都只係hk$30零蚊。可惜人地等成7張枱，我又趕時間，咁冇計啦。
1) 咕嚕雞球餐，大拿拿成hk$46；唔知係咪大家對咕嚕嘅定義有出入，佢個咕嚕並唔係我食開嘅咕嚕，佢只不過係將茄汁加啲糖再打個茨嘅汁，酸得嚟又唔咸唔甜，[雞球]亦只係雞片，粉漿可以同舊雪藏雞分離，又淋patpat兼冇味，成個飯都係得個難食茄汁味！
2) 肉丸意餐，hk$42。個意粉醬食得出係超市有售嘅樽裝意粉醬，肉丸食得出係街市凍肉檔有售嘅豬肉丸。點解我要比成hk$42蚊出街食我自己都煮到嘅嘢？
跟餐叫咗珍珠奶茶同柑桔檸檬，諗住呢啲懶係台灣小吃店，可能碟頭飯唔專業，台式飲品就實冇死啦，點知原來係冇關係！杯珍珠奶茶飲咗都唔覺佢係一杯珍珠奶茶，杯嘢係白色，因為落得太多淡奶。冇味，因為主要成份淡奶係冇乜味！另外柑桔檸檬就冇飲，不過就算唔難飲都唔會特別好飲。
慶幸經理同侍應服務態度令人滿意，但HK$40幾蚊一個午餐，對本人嚟講絕對唔平。而佢可以難食到令我一路食一路擰頭。服務再好都唔可以接受！
張貼