渝酸辣粉

隔離間cafe 排隊，唔想排隊無咩人門口又話今日免加一就入去試試佢啦，點知真係。。。無咩人係有原因的：


叫咗少少辣，先唔講係完全無麻嘅感覺，完全唔辣之餘仲好似食緊熱水撈薯粉（薯粉好淋，無咬口）。。。

上菜嗰陣我叫咗走花生，一嚟見到啲黃豆誤以為佢無走花生就問咗佢一句，個女侍應就話：呢啲黃豆嚟，下次唔想食黃豆可以叫走黃豆。（當然語氣都係無禮貌啦）

1

無加10蚊轉雞髀就全部都係骨/皮，我咬到肉嘅地方3分1都唔知有無，不如你賣口水雞皮算啦。。。

最後我只係食咗幾啖就走咗，碗麵太難食確實食唔落，雞又無肉可食，加埋杯青瓜豆漿總共100蚊。。。侍應態度又差。。當買個教訓