二把手 (已結業)

尼間「二把手」簡直係難以形容的差！！！先不論野食好唔好食！？平與貴！？但作為一間食肆，你俾得客係openrice 訂位，即係代表你間餐廳有位，你預計到你間餐廳每一日可以接受到幾大嘅客流量啦！前一日成功booking19:30，「被餐廳取消」，都係以為餐廳無位姐，唔緊要再訂過第二個時段囉！即刻再預訂21:00，以為相安無事啦！點知你當日去到餐廳，提早去到等，個男侍應就同你講等到21:00先嚟！行一陣先～有人走，早d 有位打電話通知你哋～Ok 無問題，咁未行下囉！點知擰轉頭行出餐廳，唔夠5分鐘！見到openrice 個訂位顯示再一次取消！又係寫住「餐廳取消booking！！！」我覺得奇怪，就即刻打去餐廳問，點知個男侍應即刻話：「哦～係呀，因為我哋見都未有位住，就取消你哋個預約啦～」我話：「吓！我提前一日預訂咗，你哋餐廳咁樣臨時取消個客嘅 booking都得！？係用餐前嘅30分鐘去取消個嘅預約！？」我真係想問下，個預訂食飯時間係夜晚21:00，你餐廳20:30去臨時取消個客嘅預約，臨時臨急請問我要去邊到再搵一間餐廳去食晚飯呢？仲要我約哂朋友一起嚟！尼間嘢真係不知所謂！！！完全浪費我時間！！！