影片
更多
2017-11-08
2864 瀏覽
生日飯，想食中菜，決定試下呢間評價唔錯但幾神秘的食肆，但好擔心唔識去。擔心的事發生了，看地圖找不到入口，望著個收押所入口，真係唔敢入。答案：原來真係收押所正門直入就是了。無得泊車，亦唔俾車入，不過好似見到的士可以入。想泊車，PCCW對面同警署隔離有露天停車場，步行約5分鐘。雖然話係對外開放，但始於晌好多閘嘅地方入面，加上幾經波折先搵到，坐底後個心都未定，冇心情影相，想睇相就參考其他食評啦。7大4小，星期五訂星期日晚食，有位。預定了杏汁豬肺湯、蒸沙巴斑、扇貝、豉油鷄同腰果露，全部都好食。尤其豉油鷄，老爸激讚，說食回以前住家豉油鷄的味道。老爸解說這種豉油雞功夫多，好少餐廳會煮，而且隻雞好大隻下，食唔晒。杏汁豬肺湯同腰果露都係比較難搵到嘅野食，一樣係功夫多，呢度都煮得好好食，可想大廚真係好有心煮。再叫多了幾個小菜，埋單$21xx。6點到，唔多人。8點半走時，見出口轉角仲有幾枱客，都係食生日飯，唔知係咪懲教職員呢?
擔心的事發生了，看地圖找不到入口，望著個收押所入口，真係唔敢入。
答案：原來真係收押所正門直入就是了。
無得泊車，亦唔俾車入，不過好似見到的士可以入。想泊車，PCCW對面同警署隔離有露天停車場，步行約5分鐘。
雖然話係對外開放，但始於晌好多閘嘅地方入面，加上幾經波折先搵到，坐底後個心都未定，冇心情影相，想睇相就參考其他食評啦。
7大4小，星期五訂星期日晚食，有位。
預定了杏汁豬肺湯、蒸沙巴斑、扇貝、豉油鷄同腰果露，全部都好食。尤其豉油鷄，老爸激讚，說食回以前住家豉油鷄的味道。老爸解說這種豉油雞功夫多，好少餐廳會煮，而且隻雞好大隻下，食唔晒。杏汁豬肺湯同腰果露都係比較難搵到嘅野食，一樣係功夫多，呢度都煮得好好食，可想大廚真係好有心煮。
再叫多了幾個小菜，埋單$21xx。
6點到，唔多人。8點半走時，見出口轉角仲有幾枱客，都係食生日飯，唔知係咪懲教職員呢?
張貼
