愛 . 添 (已結業)

平時得閒都會約朋友落嚟虹橋食糖水，但係因為其他糖水舖好多人，而呢間唔使排隊所以我哋就入咗去食。食物⭐️今次叫咗個楊枝甘露芋圓，先講佢嘅湯真係太甜，我同朋友已經算係幾鍾意食甜野嘅人， 但係我哋兩個都覺得呢碗糖水真係甜得濟。。。而且佢甜得來唔係有芒果嘅甜味，食完之後真係要瘋狂飲水， 因為已經食到完全起痰。以佢既芋圓其實有啲係未熟，但係入面既西米又過熟。。 雖然佢嘅價錢唔係話好貴，但整體嘅性價比真係唔高，難怪係呢一條街只係得呢一間糖水舖唔使排隊就可以入去食。