屋子 (已結業)

平時行過都成日見佢排長龍，諗住都係甜品姐，應該冇乜特別，上個禮拜同啲小朋友去完冒險樂園，出到嚟見到冇乜人，咪去試吓囉，原來有驚喜，我太落後啦，原來除咗甜品仲有熱食，朋友試咗壽喜燒牛肉烏冬，好好味喎，另外我哋再叫咗三款甜品，每一款都好有心思，唔怪得平時大排長龍，同埋我覺得係傾偈嘅勝地，坐得好舒服，靜靜地，我都叫啲小朋友唔好咁大聲，雖然啲甜品唔係好平，但係每一款都真係好有心思，例如我哋叫咗個紫薯窩夫，嗰啲紫薯係新鮮打出來，芝麻疏乎厘我覺得好好味，同埋佢所有嘢都唔會太甜，每一款甜品都感受到製作時嘅心機