金泰子泰國餐廳 (已結業)

女女問我啱啱喺泰國返嚟 ，又食泰國菜，唔會焉咩？我話鍾意食就唔會厭。同女女食泰國嘢，一定會叫個海南雞飯，佢對其他泰國菜式冇乜興趣，又唔食得辣，所以呢道菜真係唔使諗咁多。 呢度嘅油飯軟熟，有啲椰香同香茅味，淨係食飯都覺得好食。海南雞件嫩滑，雞味濃郁。柚子沙律亦是我食泰菜必點嘅，因為酸酸辣辣夠開胃，而柚子多汁清新。蒜蓉炒雜菜炒得有鑊氣，雜菜款式豐富，是一道健康嘅菜式。最後食芒果糯米飯，揀咗黑糯米，呢度嘅芒果係超甜超多汁。之前去一啲泰國餐廳食芒果糯米飯，芒果係未熟同埋酸，但係呢度嘅芒果真係超美味，印象深刻。