必勝客 (已結業)

Pizza Hut 其實不嬲都大食夾扺件，係性價比高的餐廳，平時食晚市都無乜問題，今次食下午茶就出事。下午茶叫咗兩個餐一個Pizza餐一個係俄羅斯沙律拼芝士條。點知呢個超級夏威夷Pizza好難食，最主要嘅原因係佢燶得滯。你睇下佢果幾塊pepperoni燶到呢，苦嫁大佬點食啊，除左個over cook 之外，都無咩大問題。但一個問題足以致命，食到我塊面都燶燶地。至於另外一個餐，我仲係好喜歡食俄羅斯沙律，不過果兩條芝士條就好hae，咪就係兩粒扭扭批果條邊，仲要又係燶燶地，不過都叫做好過果幾塊pepperoni。總體來說，今次可能係我唔好彩。