食之劇場餐廳 (已結業)

好難得同朋友入到西貢，發現呢間食之劇場喺白沙灣，個間隔好特別，個師傅亦都好好客出嚟招呼我哋，話俾我哋聽呢間餐廳有啲乜嘢特別、來源以及係有乜嘢好介紹。師傅係一個擁有多達30年的烹飪經驗，在很多不同的大公司酒店工作過，令我非常期待是次的晚餐。果然不負所望，個餐牌有啲特別，第一樣野已經好有驚喜，遠處已經聞到一陣櫻花木煙熏味道，一打開個盒，好似拆禮物一樣，有唔同嘅前菜，分別係高知縣茄子，茄子用冰水浸過，食落去清清地同埋好多水份，有2塊煙燻吞拿魚擺喺左邊，果然入口即溶真係好鮮甜！最後仲有個車厘茄，點左少少柚子蜜糖汁，甜甜酸酸好開胃。再食就係日本野必食嘅刺身！有海膽海老同埋新鮮生蠔，全部都係嚟自北海道，師傅喺我哋面前即席表演，將刺身排得整整齊齊，從來未在香港吃到如此濃郁及充滿海水味的海膽，海老也是非常美味，加上魚子醬，鮮味滿溢。生蠔有海水及檸檬香味，蠔肉肥美，滋味無窮。在良好的環境下，和朋友短聚兩小時，快樂不知時日過。