影片
更多
2018-11-18
67 瀏覽
之前有朋友話鐵人旨花好食，話貴d都值得食，講到咁勁我就決定同朋友去試呢間日本餐廳。上到去先知，鐵人係鐵板熱食，旨花就係凍食。咁我地就簡左凍食中的「師傅發辦」，等廚師決定煮咩。1.前菜 7分/10分前菜係水母刺身、蟹肉啫喱和白只。三樣最正係左上角嘅白子，口感細滑香濃。2.龍蝦刺身：9/10分跟住係新鮮嘅龍蝦刺身，師傅會係大家面前即剖即整，食嗰陣龍蝦仲識郁，真係好新鮮。龍蝦刺身肉質彈牙，味道好鮮甜，完全唔洗點醬或者落Wasabi。3.刺身拼盤 9分/10分之後就上左一個刺身拼盤。當中有兩樣係非常出色。首先係左邊的左口魚包住海膽，一食d海膽就咇出黎，海膽極甜。而佢最好的地方就是有3件，可以食3次，唔會食完就回味唔到。而另一個就係右面的八爪魚刺身，食前會係鹽板擦幾下，鹹度可以因自己決定，味道十分出色。4. 多件壽司師傅為我地準備左多款壽司，全部都係中上質素，而最特別係相片既魚眼碎肉+吞拿魚。魚眼碎肉真係第一次食，口感好滑，一放入口已經滑左落喉嚨到，感覺好正。而吞拿魚D魚油都會跟住碎肉滑落去，兩者好夾幾特別。5. 海膽飯海膽飯係整餐最好食的一道菜，到最後我先發現一個食法，就係要D飯同海膽係個口入
上到去先知，鐵人係鐵板熱食，旨花就係凍食。咁我地就簡左凍食中的「師傅發辦」，等廚師決定煮咩。
1.前菜 7分/10分
前菜係水母刺身、蟹肉啫喱和白只。三樣最正係左上角嘅白子，口感細滑香濃。
2.龍蝦刺身：9/10分
跟住係新鮮嘅龍蝦刺身，師傅會係大家面前即剖即整，食嗰陣龍蝦仲識郁，真係好新鮮。
龍蝦刺身肉質彈牙，味道好鮮甜，完全唔洗點醬或者落Wasabi。
3.刺身拼盤 9分/10分
之後就上左一個刺身拼盤。當中有兩樣係非常出色。
首先係左邊的左口魚包住海膽，一食d海膽就咇出黎，海膽極甜。而佢最好的地方就是有3件，可以食3次，唔會食完就回味唔到。而另一個就係右面的八爪魚刺身，食前會係鹽板擦幾下，鹹度可以因自己決定，味道十分出色。
4. 多件壽司
師傅為我地準備左多款壽司，全部都係中上質素，而最特別係相片既魚眼碎肉+吞拿魚。魚眼碎肉真係第一次食，口感好滑，一放入口已經滑左落喉嚨到，感覺好正。而吞拿魚D魚油都會跟住碎肉滑落去，兩者好夾幾特別。
5. 海膽飯
海膽飯係整餐最好食的一道菜，到最後我先發現一個食法，就係要D飯同海膽係個口入面浪下先，浪完先再咬再吞，咁樣會令到成口都有海膽既鮮味。兩個海膽飯幾乎係一板的海膽，份量好夠，無咩缺點，近乎完美。
一個廚師挑選套餐係足夠飽，當中我覺得最特別係以上五個，味道都係最出眾。而除左食物外，我想講下個環境同服務。雖然隔離就係鐵板燒，但完全無油煙味。而師傅在上菜時，佢地都會講解食材，同埋煮法。食之外又可以學到好多關於和食知識，整個餐廳令我覺得好親切，真係感受到佢地係想食客對係認真對待呢餐美食。
食完我同D朋友分享，佢地好多都話太貴不了，但一分錢一分貨，鐵人旨花絕對值呢個價錢，什至佢地個餐有好多壽司，都令我有D驚喜。就算無錢都可以試下佢地午市，十件高質壽司都係200蚊左右，當食次體驗都好呀。
張貼
