影片
更多
2018-02-05
282 瀏覽
今日同朋友去左尖沙咀行街，係美麗華一帶行左一日。不知不覺已經兩點了，肚仔有啲餓啦。去左二期商場入面逛，見到一間叫做咪走雞嘅葡國餐廳。淨係聽到個名已經覺得好特別，於是乎就入左去睇睇。餐廳裏面十分寬敞，空間感十足，裝修也別出心裁，牆上掛滿了一幅幅畫，令人有種舒服的感覺。雖然已經兩點多了，但仍見數台人客在嘆茶，可能是享受呢到舒適嘅環境，遠離尖沙咀嘅煩囂，不捨得離開吧！呢到菜式繁多，有乳豬，炒飯和葡國雞飯等等，真難選擇阿！最後，我地決定叫左份紅色沙律，一份葡式安格斯牛扒。飲品方面就叫左一杯橙汁。最先黎到嘅係紅色沙律，淨係個名已經夠吸引。平時食到嘅沙律係綠油油的，而呢款則主要為紅色，係由士多啤梨，蘋果，車厘茄嘅生果，配個埋沙律菜，最後加埋士多啤梨醋就成了眼前嘅紅色沙律。食落有陣淡淡嘅苦味，但立刻又被生果嘅甜味覆蓋，感覺好似飲酒一樣，真係十分新鮮。隨之而黎嘅係安格斯牛扒。首先，其份量真係十足，比我嘅手掌還大出不少。而賣相也十分吸引，七成熟，但完全見不到牛扒的血。而一份牛扒更配埋薯條和薯仔添，唔怕食唔飽。聽店員講，呢塊牛扒係同牛油和蒜頭一起處理，吸收了兩者嘅香味，所以牛扒係冇sauce嘅情況下依然風
去左二期商場入面逛，見到一間叫做咪走雞嘅葡國餐廳。淨係聽到個名已經覺得好特別，於是乎就入左去睇睇。
餐廳裏面十分寬敞，空間感十足，裝修也別出心裁，牆上掛滿了一幅幅畫，令人有種舒服的感覺。
雖然已經兩點多了，但仍見數台人客在嘆茶，可能是享受呢到舒適嘅環境，遠離尖沙咀嘅煩囂，不捨得離開吧！
呢到菜式繁多，有乳豬，炒飯和葡國雞飯等等，真難選擇阿！
最後，我地決定叫左份紅色沙律，一份葡式安格斯牛扒。飲品方面就叫左一杯橙汁。
最先黎到嘅係紅色沙律，淨係個名已經夠吸引。平時食到嘅沙律係綠油油的，而呢款則主要為紅色，係由士多啤梨，蘋果，車厘茄嘅生果，配個埋沙律菜，最後加埋士多啤梨醋就成了眼前嘅紅色沙律。食落有陣淡淡嘅苦味，但立刻又被生果嘅甜味覆蓋，感覺好似飲酒一樣，真係十分新鮮。
隨之而黎嘅係安格斯牛扒。
首先，其份量真係十足，比我嘅手掌還大出不少。而賣相也十分吸引，七成熟，但完全見不到牛扒的血。
而一份牛扒更配埋薯條和薯仔添，唔怕食唔飽。
聽店員講，呢塊牛扒係同牛油和蒜頭一起處理，吸收了兩者嘅香味，所以牛扒係冇sauce嘅情況下依然風味十足。此外，蒜頭更會和牛扒一齊上，鼓勵食客將一小片蒜頭和牛扒一起用，蒜頭和牛扒一起相輔相成，令味道到達了另一個層次！
埋單計埋加一550，以午餐黎講其實都算貴。但考慮到裝修環境，職員真誠嘅服務態度，食物嘅創新和味道，我會覺得呢五百蚊係相當值嘅！
張貼
