影片
更多
2021-10-04
288 瀏覽
南區不嬲少野食，見大街竟然開左間裝修睇落幾文青、食台灣野嘅餐廳，決定去試一試！約左朋友星期六，大約2點去食個 late lunch，所以都好好彩唔洗點等位。Menu上主菜原來唔係主打台灣菜，反而似係cafe會食嘅菜式，不過就有多款台式小食揀。因為個日又唔算太肚餓，所以我地嗌左1份主食，2份小食，再加每人一杯咖啡。辣肉腸海鮮蕃茄乾醬意粉（HK$88）份量算大份，海鮮亦都足料，當然呢個價位你唔會expect佢用新鮮海鮮啦，但起碼唔會有雪藏味。反而我覺得意粉落得太多芝士粉，入口芝士味太重，令個意粉醬嘅味唔係太出。不過因為朋友好鍾意食芝士，所以佢就幾鍾意呢個意粉。黑松露雜菌蛋餅（HK$48）因為起初係抱住食台灣野嘅心態黎呢間餐廳，加上個人覺得黑松露同菇絕對係perfect match，所以就揀左呢款蛋餅試下。個蛋餅皮幾煙韌，不過就唔係煎到餅皮脆口個款。個人更鍾意呢款蛋餅，食落唔會太油膩。不過因為menu上冇寫呢款蛋餅有芝士，而我又唔太食芝士，所以就有少少失望嘅，不過配埋個醬汁都好好味😍鹽酥雞（HK$35）我絕對絕對會為左佢地嘅鹽酥雞而再黎多次！侍應一放上枱已經勁香，食落口超香脆，雞肉亦唔會炸得
辣肉腸海鮮蕃茄乾醬意粉（HK$88）份量算大份，海鮮亦都足料，當然呢個價位你唔會expect佢用新鮮海鮮啦，但起碼唔會有雪藏味。反而我覺得意粉落得太多芝士粉，入口芝士味太重，令個意粉醬嘅味唔係太出。不過因為朋友好鍾意食芝士，所以佢就幾鍾意呢個意粉。
黑松露雜菌蛋餅（HK$48）
因為起初係抱住食台灣野嘅心態黎呢間餐廳，加上個人覺得黑松露同菇絕對係perfect match，所以就揀左呢款蛋餅試下。個蛋餅皮幾煙韌，不過就唔係煎到餅皮脆口個款。個人更鍾意呢款蛋餅，食落唔會太油膩。不過因為menu上冇寫呢款蛋餅有芝士，而我又唔太食芝士，所以就有少少失望嘅，不過配埋個醬汁都好好味😍
鹽酥雞（HK$35）
我絕對絕對會為左佢地嘅鹽酥雞而再黎多次！侍應一放上枱已經勁香，食落口超香脆，雞肉亦唔會炸得太老。真係唔會諗到一間係鴨脷洲嘅小coffee shop會有咁好味，咁高質嘅鹽酥雞，加上份量唔算少，所以真係強烈推薦一定要試！！
飲品我地就叫左杯espresso tonic同埋cold brew，都幾好飲添架！
張貼
