三木日本料理 (已結業)

去食日式放題，第一樣緊係先食刺身，先黎至愛既帆立貝，嘩...仲有咁大隻既牡丹蝦(未試過放題有咁大隻)，比起一般放題既甜蝦刺身真的大隻很多，肉爽鮮甜，非常鮮味，一定要安哥！！！再黎，三文魚不是腩位，有點兒失望，但亦鮮味，之後到壽司，免治吞拿魚腩又OK喎，到火灸三文魚壽司，今次比腩位呀，燒過一下就更肥美。刺身過後，先嘗一些普通蔬類，好小朋友咁鐘意食牛油粟米再加上燒菠蘿夠清甜，清了一下口腔的濃味油膩感，再來便是熟食，炸物，茶碗蒸不錯，熱度夠，蛋味夠沒有過稀。說到炸物，又要比個讚，普遍放題都係又乾又硬炸粉又厚，先講蝦天婦羅，脆漿不厚卜卜脆，蝦肉鮮甜，水準之作。食完乾既，就到濕既，牛肉鍋湯底唔會太咸，牛肉淥到剛熟夠嫩牛味夠濃，日式蟹粥，又令人意外既一款，竟然有好多蟹肉，粥綿蟹甜，好食。個肚飽到就黎頂唔順，係時候到甜品，竟然放題會有咁多款，仲有焦糖燉蛋，放題既甜點一向都無太高期望，先食3.6牛乳奶凍，可以收返先前一句說話喎，又幾濃幾香奶味仲幾滑添，食多2杯話唔定皮膚都滑啲，綠茶布甸綠茶味超濃，好香，最愛既焦糖燉蛋當然要打孖上，無得輸呀！最後就緊係食埋雪糕，芝麻味夠香，食埋個柚子雪芭成個口清新晒。