和記廚房

營業中

休息中

補寫是日相約左一班舊同事黎依間食飯，地點算方便，因為近荃灣滿樂大廈附近，巴士落車行一陣就到。印象中好少黎依種熟食市場食野，佢既環境都ok, 算係乾淨企理，又有冷氣。5個人叫左煎蓮藕餅（出奇地好食，因為我麻麻地蓮藕），金磚豆腐、油麥菜、醉雞、沙嗲肥牛粉絲煲、豬手、樣樣都好唔錯，反而出名既豬手就比想像中無咁好。價錢亦公道，加埋野飲啤酒每人都係百零，而家求其去一間出名少少既大排檔食下野飲下啤酒都要兩百零蚊。下次會帶屋企人再黎試。