飯意主題餐廳 (已結業)

來到深水埗，見openrice對呢間鋪甘多好評，咪去試下囉。來到店門前，已見十多人在排隊，等左15分鐘左右就有位。一如其他高好評食店般，客人甘多，服務態度難免差一點，衞生也比較一般。也罷，我們是為食好野而來，只要好味，就算俾人黑面亦絕不會計較。今日點左招牌芝士溶岩蛋漿飯，加配麻醬田園沙律，蒜香包及椰汁紫米特飮。個飯只須48蚊，加配沙律，包同特飲只須20蚊，埋單68蚊不收加一，情侶兩份食剛好！