魚鮨 (已結業)

有目標入荃灣揾食 原本食放題 點知行左去食壽司。已mark好位置揾野食 見呢間壽司有位 款式都幾多 就入去試試。三文魚皮海鮮手卷我覺麻麻 紫菜都係脆 一細片芝士加好細粒三文魚，有片三文魚皮，料太少，唔吸引。三文魚刺身，一碟3小片，好味又夠凍。胡麻烏冬，真心麻麻。炸蠔2 細粒， ok好味，即炸的。蟹子沙律，以為青瓜絲，點知係生菜，唔太得。牡丹蝦，刺身同壽司都有試，夠哂大隻。螺肉小食，又抵又好味，平時出面食大集團果d半碟size 喇，忍唔到口食左2 碟。總數2人食左22 碟，其實食下食下真係唔覺，好耐無試過將d碟幢到咁高,因為係數碟埋單，所以左右幢高都幾攪笑。