金滿膳燒味餐室 (已結業)

估唔到牛頭角區都有啲幾有質素嘅餐廳，呢間主力做燒味嘅茶餐廳幾唔錯。門面睇落ok，比普通茶餐廳望落好似high class少少咁。櫥窗上面都掛上咗琳瑯滿目嘅燒味，幾新鮮咁。貪心嘅我哋都想盡量試多幾款燒味，所以就叫咗兩個雙拼飯啦。🐓玫瑰油雞拼🐖招牌脆皮燒腩仔飯就可以食到雞同豬。首先視覺上都擺得幾靚，啲肉擺得幾整齊，分量睇落去都夠大。雞肉好嫩滑，浸泡過醬汁嘅雞有種鹹鹹的味道，但唔會太鹹，又有少少酒嘅淡香。燒腩仔當然皮脆，脆得嚟又唔會必曬啲油出黎。肉質又唔會鞋恰恰，肥瘦相間做得幾好，啖啖肉之中又有油脂香，正。🐾秘製燻蹄飯拼🔥柚子蜜叉燒飯。呢兩個都係豬肉但都想試下。同樣擺盤整齊份量夠多。可以見到燻蹄都係肉居多，唔會似出面得舊肥膏。食落去唔會淡而無味，有少少醃製嘅感覺，應該就係秘製醬汁做出嚟嘅。叉燒方面都有驚喜，全部都放得入口唔會話有渣。肉質淋軟度適中，就算嗰邊都唔會話太硬食唔到。