無敵家

營業中

休息中

仲未去到日本，好想去食下居酒屋放鬆下，朋友話上環呢間無敵家超正，性價比超高既居酒屋。佢咁推介，更係黎試下。黎到門口，見到以為係好高級既食店，但原來都好平民價，野食又好，裝修都好日式，感覺超正。朋友想食沙律，就叫左個牛油果炸軟殼蟹沙律。 黎到隻軟殼蟹好吸晴，沙律菜都好多，好新鮮。 想唔到咁大份，好抵。串燒就叫左牛舌同串燒日本年糕。厚切牛舌超厚，又好爽口，好有驚喜。燒年糕都好有口感，唔會好制。原條燒北海道魷魚，好大條，仲要真係好新鮮，而且佢個醬汁好啱味。月見錦爽雞扒，好滑，好嫩。雞扒又唔肥，最重要中間既雞令到雞扒汁更好味。明太子燒飯糰，燒得好香，明太子又唔會太搶味，就算擺左一陣都唔會好硬，好好味。仲有脆炸刺身甜蝦好好口感，如果配埋酒仲正。呢間居酒屋真係好多驚喜又抵食，值得再黎。