譚仔雲南米線 (已結業)

出黎旺角揾野食，同事話食譚仔，都好耐無食過了，成年無黎過連間舖係邊都唔記得左。中午黎食唔算人多，上到黎都左吉枱，外面好熱呀，真係覺得譚仔啲冷氣好似天堂咁正。必叫皮蛋，好似無咁辣，啲味同平時唔同，都ok嘅。豬潤清湯，唔豬潤完全未熟仲流緊血水，好驚呀，浸哂佢地落湯入面先，睇落好似熟啲先食啦，味道ok，比上次大碗左。同事嘅十小辣墨丸少米線走青，望落好齋咁，同事話ok，少左米線都仲係好大碗。凍檸茶走甜，夠解渴，正。