Moreish & Malt (鴻圖道) (已結業)

經觀塘打工友介紹，幫朋友去咗位於觀塘嘅Moreish & Malt。一般位於觀塘嘅西餐廳都係工廠入面，但Moreish & Malt係地舖，面積超大，座位之間非常寬闊。可能朋友剛好錯過Happy Hour時間，所以直接食晚餐。首先叫咗個小食-自家製意大利餃子，外皮炸到非常香脆，醬汁帶點酸酸甜甜。主菜係燒乳豬仔，份量唔多，但味道頂呱呱👍🏻，係真正嘅皮脆肉嫩。焦糖蘋果醬唔會搶走肉味，同時有助減低油膩感。另一主菜係煙燻意大利風乾肉卡邦尼意粉，應該係我食過咁多卡邦尼意粉之中蛋香味最香濃既一次。另外餐廳用風乾肉取代一般嘅煙肉，感覺更加傾向傳統做法，令人佩服。最後以甜品作結。心太軟擺盤非常漂亮，雪糕質感出色，朱古力流心香濃幼滑，兩者一齊食令人滿足。Moreish & Malt我一定再來，等我！