影片
更多
2012-02-24
34 瀏覽
11月27日, 今日要去上環搭直通車北上~ 時間緊迫, 所以去咗信德搵食. 呢度近年都新添咗好多食肆, 我地要食得快, 又唔想食嗰d連鎖快餐, 見到呢到有蘭芳園又唔洗等位, 就入去食下好耐無食嘅撈丁啦!::: 豬泵兜撈丁配叉燒汁 + 凍奶茶 :: $42 + $2叫咗個普通中名字又帶點玩味嘅豬泵兜撈丁食下~ 其實豬泵兜唔係好似豬天梯嗰d咩特別部位, 只係豬頸肉, 不過都叫燒得幾惹味, 而且唔會咬落成口油咁啦! 叉燒汁甜甜地又帶少少辣, 同豬頸肉都夾到~ 其實呢度最出名嘅係蔥油雞扒撈丁, 呢個撈麵雖然無雞扒但都有一pat蔥油比你試下. 不過其實個撈丁已經有叉燒汁, 再加蔥油味道實在有點過濃, 同埋兩隻汁加埋有d膩… 再加埋個份量唔少嘅丁麵, 食完真係超飽!以前中環店凍奶茶其中一個特式係用奶茶冰, 咁個奶茶就唔會因為溶冰而越飲越淡. 不過今日一落單侍應已經提醒我地無奶茶冰用番普通冰… 唔知係咪心理作用, 硬係覺得呢個凍奶茶無咁好飲, 雖然茶味都夠濃, 但就奶味不足, 同埋都有少少稀…::: 滷水豬肋骨撈丁+ 熱奶茶::: $42豬肋骨其實即係豬軟骨, 肉地都幾夠淋, 可惜個滷水汁味唔夠重,
::: 豬泵兜撈丁配叉燒汁 + 凍奶茶 :: $42 + $2
叫咗個普通中名字又帶點玩味嘅豬泵兜撈丁食下~ 其實豬泵兜唔係好似豬天梯嗰d咩特別部位, 只係豬頸肉, 不過都叫燒得幾惹味, 而且唔會咬落成口油咁啦! 叉燒汁甜甜地又帶少少辣, 同豬頸肉都夾到~ 其實呢度最出名嘅係蔥油雞扒撈丁, 呢個撈麵雖然無雞扒但都有一pat蔥油比你試下. 不過其實個撈丁已經有叉燒汁, 再加蔥油味道實在有點過濃, 同埋兩隻汁加埋有d膩… 再加埋個份量唔少嘅丁麵, 食完真係超飽!
以前中環店凍奶茶其中一個特式係用奶茶冰, 咁個奶茶就唔會因為溶冰而越飲越淡. 不過今日一落單侍應已經提醒我地無奶茶冰用番普通冰… 唔知係咪心理作用, 硬係覺得呢個凍奶茶無咁好飲, 雖然茶味都夠濃, 但就奶味不足, 同埋都有少少稀…
::: 滷水豬肋骨撈丁+ 熱奶茶::: $42豬肋骨其實即係豬軟骨, 肉地都幾夠淋, 可惜個滷水汁味唔夠重, 淡得滯…太少滷水汁所以撈唔到丁, 好彩佢都有俾蔥油~ 份量其實都算少, 好似少過個豬泵兜撈丁, 應該都有用一個丁麵不過食完就係好似唔係好夠喉…
熱奶茶擁有一貫高水準! 奶非常非常之咁滑溜, 熱茶一撞落去完全係好混和嘅味道, 奶同茶比例剛好, 茶香濃得嚟又唔會好澀! 係全香港最好飲嘅奶茶!
蘭芳園部份分店都會推出分店限定嘅撈丁, 平時食開覺得好好味嘅白汁牛俐撈丁就只限中環新舖先有… 呢度又唔覺有d限定特別款, 又無咗奶茶冰… 雖然裝修就真係落足心機夠晒懷舊風味, 但論食物質素就始終唔及中環店咁好. 比遊客食試下呢份港式味道都還可以嘅, 香港人就真係要去返中環食喇!
張貼
