影片
更多
2010-03-15
45 瀏覽
11月27日, 我地期待已久~ 呀菲嘅生日歐遊大旅行終於出發~~~ *O*由於我地會去成2個禮拜咁耐… 所以未出發就已經開始懷念香港嘅美食! 就喺臨上機嘅最後一餐, 我地搵到呢間雖然叫做澳門茶餐廳, 但港產味甚濃兼最緊要有電視睇嘅地方開餐!::: 沙嗲金菇肥牛煲 配白飯 + 凍奶茶 ::: $53是日例湯為菜干瘦肉湯一碗~ 雖然有味精, 但味道頗濃而且有d湯渣咬下~ ok啦!沙嗲金菇肥牛煲實在係正宗港產茶餐廳名物! 基本上真係好難失手! 而呢一煲沙嗲肥牛亦十分對辦~ 首先金菇牛肉同粉絲芽菜份量多, 而且都幾入味. 沙嗲汁夠香濃, 個質地係有d透明獻汁feel~ 撈飯真係超正! 爭d嘅係個”靚仔”, 即係個白飯, 略嫌乾硬咗d… 但撈汁食都可以喇.凍奶茶合格啦~ 望落個色水就淡咁d, 但飲落茶味奶味都有, 算係咁~::: 蒜香豬肉炒翠玉瓜 配白飯 ::: $53呢個”食送”清淡d, 勝在有屋企feel!! 翠玉瓜炒得啱啱好, 清甜多汁~ 豬肉有蒜香味, 都幾嫩, 不過切得細塊同份量少咗d…::: 瑞士雞翼 ::: 免費係呢度嘅招牌野, 每人奉送一隻! Mmm…size比我地想像中大, 肉
由於我地會去成2個禮拜咁耐… 所以未出發就已經開始懷念香港嘅美食! 就喺臨上機嘅最後一餐, 我地搵到呢間雖然叫做澳門茶餐廳, 但港產味甚濃兼最緊要有電視睇嘅地方開餐!
::: 沙嗲金菇肥牛煲 配白飯 + 凍奶茶 ::: $53
是日例湯為菜干瘦肉湯一碗~ 雖然有味精, 但味道頗濃而且有d湯渣咬下~ ok啦!
沙嗲金菇肥牛煲實在係正宗港產茶餐廳名物! 基本上真係好難失手! 而呢一煲沙嗲肥牛亦十分對辦~ 首先金菇牛肉同粉絲芽菜份量多, 而且都幾入味. 沙嗲汁夠香濃, 個質地係有d透明獻汁feel~ 撈飯真係超正! 爭d嘅係個”靚仔”, 即係個白飯, 略嫌乾硬咗d… 但撈汁食都可以喇.
凍奶茶合格啦~ 望落個色水就淡咁d, 但飲落茶味奶味都有, 算係咁~
::: 蒜香豬肉炒翠玉瓜 配白飯 ::: $53
呢個”食送”清淡d, 勝在有屋企feel!! 翠玉瓜炒得啱啱好, 清甜多汁~ 豬肉有蒜香味, 都幾嫩, 不過切得細塊同份量少咗d…
::: 瑞士雞翼 ::: 免費
係呢度嘅招牌野, 每人奉送一隻! Mmm…size比我地想像中大, 肉質都嫩, 瑞士汁鹹甜適中, 其實都唔錯~
機場呢頭有港式味道價錢中庸而且食得你飽, 環境雅緻仲有獨立卡座電視你睇~ 不論離港工作定旅行, 想臨走前再懷冕一下香港情懷, 呢度都係個唔錯嘅選擇!
張貼
